يتم (ناعومي)

عارف

لما بتيجى ف بالى

وبحس ان انا وانت ف زحمه
مش معروف لاخرها حدود
ولا مفهوم ازاى هنكون
والعالم بيشد اتجاهتنا
شمال..وجنوب
وبيقسى
على خيط الصبر الملضوم
بالحلم ال مستنى اشارة
....
لما بتيجى ف بالى
وبحس ان العشق مابينا
رحلة عمر قصير جدا
حلم جنين
نبضه الخافت
بيقول عايش
وهيتحمل رفض الكون
لكن غدر اللحظه الاولى
بتلف على النبض العاشق
فيموت ف ميلاده
مخنوق
.....

لما بتيجى ف بالى

بنوتة احلامنا الحلوه
واعرف ان حبيبتى النونو
طعم الفرح المحذوف منى
مش هتعيش غير حلم ف ورقه
وعيونها اللى بلون ايامى
مش حتشوفنا
ولا هتدمع لما احكى لها
عن حكياتنا
..
على اوراقنا
ينفع نرسم سهم لفوق
يحضن جنبه سهم لتحت
لكن مش مسموح بالمره
اننا نرسم وسط دموعنا
ارض وسما
عاشق معشوق

......

قلبي بيضحك (رام وناعومي) منتدى قراطيس

قلبي
تحت غيطان الهم
كيان منبوذ
مش كل الأهل بيتحبّوا
لما قابلت امبارح عمي
ماوقفتش اسَلِّم
هزيت له دماغي وعَدِّيت
مش كل حيطان الحلم امان
لكن بشقاوة نور و روان
حمادودو بيضحك من قلبو
ببراءة سنتين من عُمْرو
تملا الفرحة عيوني
والدمعه تفِر
وباعتِّب مصطبة الماضي
وامسِّي عليه
وبأدوَّر وشي الناحية التانية
عشان انساه
واتكدَّر
لما الحلم يطُول من غيرك
واستناك
وأما تخطي جبال مُحَالاتك
تخطب وِدّْي
قلبي بيضحك



ردت ناعومي وقالت

قلبى وقلبك فاهمين بعض
نفس الصوره اترسمت فيا
مش كل الاهل بيتحبو
ولا يتصاحبو ف لحظة هم
عمى مراته سالت عنى
علشان بس تفكر امى انى كبرت
واكبر واحد كان جوايا
رن موبايلى كتير على بابه
لكن مغلق خط القلب
وحشنى صحيح
بس الظاهر ان احساسنا لساه ساذج
زى سذاجه ضحكة جوجو
لما تقولى
مش راح تيجى ؟؟؟
هاتى معاكى عروسة جديده
توكة لشعرى صفرا وحمرا
ويلا بسرعة
بلمس دمعه تبل الضحكه
واقول معلش
هى الفرحه لازمها الصحبة
ف طلة عيد
بس ان غابت
ممكن برضه الفرحه تجينا
حتى ان داخت ع المواعيد

http://www.qratees.com/vb/showthread.php?t=7561

مش باحبك (ريهام زينهم)

إهداء:
مش بحبك
أو بحبك
فارقه إيه..؟؟

وإحنا بنعدي الإشاره
لمسه كانت بين كفوفنا
تدي ميت مليون (100.000.000) أماره
فيها إيه مسكة إيديا
إلا إحساس بالأمان...؟؟
نظرة الخوف اللي وقفت
فوق عيونك
لما ودوني العياده
لما قالوا تعبت فجأه
واترميت ع الأرض بأصرخ
وإنت جري حضنتني
لو ف الخيال
وأما جيت طمنتني
* إن شالله انا
قبلِك مفيش
بعدِك ماينفعش إني أعيش
من غير وجودك
كل حاجه ما تساويش
ضمة الحاجب بأخوه
لما بألبس لبس ضيق
غيرَه منك
وللا ضحكه من قلوبنا
لما بأتدلع عليك
نبض خوفنا يوم لنبعد
رعشتي لكلمة ( حبيبتي)
والأوامر للحاجات الصح دايماً
وأما أكشّر
فوق ودان الأرض أدبدب
مش عاجبني
* ربي ما يأمّر عليكي حد ظالم
بأبتسم طاعه ومحبه
مش مبرر وللا عَشره (10)
لو بحبك
مش بحبك
فارقه ايه..؟؟
ليه بتربط بيننا كلمه
واللي بيننا
أقوي من كل الكلام
بيننا عِشره

**********

الاختيارات من منتدى قراطيس وحارة زعتر
qratees

يالى متخبى ف ضلوعك
وف ضلوعك الف ممكن
كان حيمكن
بس وقعت
كام حقيقه مداريه
شخبطه ف فهرس مشاعرك
زى تخريفة خريفك لما يسكن
عمر فايت بالمواجع
واللى واجع روح بتعشق
دندنات لغروب مسافر
والبعيد ع القلب يخفى
لو يشيل كل اللى صبنا من اهاته
تصبح الضحكه اللى ماتت
روح بتغزل ذكرياته
والشهور التسعه تكمل
تكتمل لحظه مخاض
صرخة اولى وروحنا تايهه
صرخة تانيه دموع مهاجره
صرخة تيجى بالسكات
والهدوء يصنع شباكه
طعمه مر الاحتمال
صيد مفاجىء للى فارق
طعم خوفه
واللى بالاحساس تمرد
عاش جنونه وسط (جايز)و(احتمال)
من ضلوعه يهرب المسجون بامره
واللى خابط كل وجعه ف حيط مشاعر
ينتشى بلحظات محال
كركبات الذكريات تصبح معادله
جمع الاطراف ف ناحيه
واطرح الخوف اللى دربك عمق قلبك
تلقى كل الرحله صدقا
صفر/صفر !!


دكتورة ناعومي

صفر/صفر

وبيت صغير
على ضفة النهر يرقد
وينتظر السابلة
ووجه كوجه الزهور البريئة
يذوب ابتساما
وفي مقلتيه
ينام الأصيل
ولا تغرب الشمس إلا
بروح الرضا
ولا تطلع الشمس إلا
بعطر الندى
وبين الرضا والندى
تسافر أياميَ الناعسة
وتسأل غربتنا البائسة
إلاما...علاما؟؟
وتسكن روحي
وأصنع من صمت روحي كلاما
وفي الليل ناي حزين
يثير الشجون
يطير المناما
وشاي الركايا
ونوم على صدر أمي
تعابث خصلات شعري
بكف حنون
على باب ستي
تدور الحكايا
ونصغي ..هيامى
ويكبر حبي
عاما ... فعاما
ترى هل سترجع يوما
ليالى الحنين؟
هل الفرح يبقى؟
بمر السنين
هل الحزن يفنى؟
وجرح الأماني
وصمت الأنين؟

رائعة المهندسة أسيرة الصمت

البيت العتيق

يا قاصدا البيتِ العتيقِ تمهَّلا

بالقلبِ شوقٌ فاض منه تبتُّلا

والدمعُ منهمرٌ غزيزٌ حائرٌ

يرنو إلى البيتِ الحبيبِ توسُّلا

يا قاصدا البيتِ العتيقِ لترحما

هذى الدموعَ ونارَها المتضرمه

بالله دسّوا القلبَ بين رحالكم

وإذا المُقام وقد دنا فترجَّلا

ودعوا الفؤادَ هناك يطفئ لوعَهُ

علّ الحزينَ لئن رآهُ تهلّلا

ودعوه يُحرِم مثلكم إن تُحرِموا

ويحَطُّ أثوابَ الخطايا تحللا

حتى الإفاضةُ سوف يُحسنُ فعلها

ذاك الحزين لَكَمْ أفاضَ تذلُّلا

وإذا قصدتم قبرَ أحمدَ فاحمِلا

قلباً تهاوى باكياً متوسِّلا

ليس البكاءُ لأجل ذنبٍ إنّما

عبراتُ شوقٍ أقوى منه تَحمُّلا

يا قاصدا البيتِ العتيقِ تمهَّلا

وإذا الرحيلُ يحينُ لا تتعجَّلا

ودعوه يبقى هناك حيثُ محمَّدٍ

فعن الحبيبِ القلبُ ليس ليرحلَ

يا قاصدا البيتِ العتيقِ لتقرآ

منى السلامَ على الحبيبِ الأولّ

ِولعلّ ليس العمرُ يقضى قبلما

أسعى إليهم حيث عمراً أجملَ

أحمل فؤاداً قد سلانى لأحمدَ

وكفى بأحمدَ للفؤادِ وإن سلا

يا قاصدا البيتِ العتيقِ تمهَّلا

ذاك الفؤادُ ودمعتان تساءلا
هل تقبلا
بالله أقسمتُ اقبلا
بالله أقسمتُ اقبلا
بالله أقسمتُ
اقبلا
!!

للطالبة أمنية

(( انت تسوى ايه؟؟ ))

مهما قالوا
ومهما عادوا
كله كلام اتقال وعدى
اما عملك ده اللى عِدّه
للى جاى مش للى عدى
لحسن يجى يوم تقول
العمر عدى
.
واللى خدته كان كلام
ما زاد ميزان
ولا كان محبه
خسرت عمرك
ورضا ربك
سيبك منهم
انت تسوى
مش بكلام بشر اوهام
في دنيا فانيه
بتفوت أوام
واللى هيفضل بس منها
هو عملك...