قلم عاجز قلم مشلول
حاول يكتب وإيه يكتب
حاول ينطق وإيه هيقول
زمانّا يا صاحبى مش للقول
زمن عاشق صَبح مخبول
وإيه عاد فى الزمن معقول
إذا كان الزمان قاتل
وكان حلمى أنا المقتول
وإيه الفايدة لو نمشى
إذا كان الطريق مقفول
وإيه الفايدة لو أحاول
وأنا فاعل صَبح مفعول
ونسأل كل يوم نسأل
ومش قُدّامنا أى حلول
وإيه عاد فى الزمن معقول
زمن يرسم طريق بكرة
طريق عتمة طريق مجهول
ولو هكتب هقول واقول
حاولت اكتب لقيت قلمى
قلم عاجز صَبح مشول!!!!
أسيرة الصمت
(رد فعل :الرسوم المسيئة للنبي)
30من مارس عام2008ميلاديا
*******زمان القول خلاص روح
ولوقلنا لمين حنقول
ولو قلنا وكان فيه ناس
بذمتكم حتسمعنا أما نيجى نقول؟
ده كان قلمى رصاص قاتل
لكل الظلم... كان معقول
قلم مقصوف
وصاحبه اليوم
ماليه الخوف
صبح مخبول
قلم عاجز ومش عاجز
حرام نظلم قلم مقتول
قلم مسكين
وبإدينا وبعقولنا
يسجل.. بس فين القول
ياناس القول صبح ضايع
قلم مظلوم
وفكر الأمة صار مشلول
****
عندما تكتب أسيرة
ننظر
نتمعن
نقرأ
نكتشف
ثم نتأكد أننا أمام شاعرة
متمرسة
ومحترفةميه ميه
ياباش مهندسة مع تحياتى
والدك
هناك 9 تعليقات:
كلمات رائعة
زادك الله حلما
كل سنة وحضرتك بخير
تقبل تحياتى
أستاذي وأخي محمد
هذه زجلاية للأستاذة أسيرة الصمت
بمنتدى حارة زعتر وليست لي
إنما هذه المدونة جعلتها كأرشيف ومخزن لبعض مواضيع المنتدى
حفاظا من الضياع وذكرى
روووووعة الفكرة روعة بس ياريت حضرتك تعلن عنها في الحارة
بس ماشاء الله
ايه الاخلاص دا؟؟
:) بجد والله
تخيل احنا ضاع مننا تراث فعلا
أنا وأبوخوخة كان في موضوع اسمه الحاج عطوة
حكينا قصص في الحارة من "الخيال" كأننا كنا جيران وبتاع
لمدة 4 صفحات
وحورس وتامر وكله يدخل على إنه من أبناء الحارة وذكرياته هناك ايه
وكله "طار"
يدوب لحقت كام صفحه سيفتهم
بس اتقهرت والله عليها
الله يسامحك
كنت عايز اقترح على كل عضو يعمل مدونة زي دي
بس الكسوف بقى
ممكن تشاركي هنا يا دكتورة
ربنا يحفظك
يارب يسامحني فعلا
بس ليه دايما تقوللي "الله يسامحك" دي؟؟؟
:)
بحس اني بزعلك بس مش قصدي والله
وأما قصة المدونة اللي زي دي
دي كفاية أوي يا فندم علينا
بتختار ماشاء الله فعلا
دكتورة ربنا يكرمك دنياوآخرة
أنا آسف
قلت الله يسامحك عشان(ايه الإخلاص ده)
أتمناه والله
(إوعي ف يوم تزعلي مني)
سأحتاج ما عند حضرتك
بس أجازة العمل انتهت
وسأبدأ عملي
8\10\2008
ربنا يكرمك يا أستاذ حبارير
عندي ؟؟؟
خفافي يعني
بس فكرة حلوة هنزل عطوة بردود بابا أبو خوخة
حلوة أوي فعلن صح
عبقرية يعني
ممتاز
دكتورة
بجد بجد
حضرتك انسانة رائعة
إرسال تعليق